අයිස් මඩින අලුත්ම මෙහෙයුම

 

  

පාසල් සිසුන් ඇතුලු තරුණ ප්‍රජාව විවිධ මත්ද්‍රව්‍ය සඳහා ගොදුරුවීමෙන් වළක්වාගැනීමට විශේෂ වැඩපිළිවෙලක් ක්‍රියාත්මක කිරීමට රජය  සැලසුම්කර තිබේ.

ඒ යටතේ පාසල් තුළට මත්ද්‍රව්‍ය පැමිණීම වළක්වාගැනීම සඳහා දිවයිනේ විවිධ පෙදෙස්වල පාසල් සෝදිසි කිරීමේ මෙහෙයුම් දැනටමත් ආරම්භකර ඇති අතර ඒවා මේදිනවල විවිධ දිස්ත්‍රික්ක වල  ක්‍රියාත්මක වේ.  

 මාර්ග පරීක්ෂා

 ඊට අමතරව විශේෂ පොලිස් මෙහෙයුම් එක්ක මේ සඳහා යොදවා ඇති අතර එමගින් මාර්ග වල ධාවනය වන වාහන සම්බන්ධ සෝදිසි කිරීම් සිදුවේ. බස්නාහිර පළාත තුළ එවැනි මෙහෙයුම් කිහිපයක් මේවනවිට සිදුකළ බව පොලීසියය සඳහන් කළේය.

 විශේෂ කාර්ය බලකායේ මෙහෙයුම්

 මත්ද්‍රව්‍ය සම්බන්ධ මෙහෙයුම් සිදුකිරීම සඳහා ජනාධිපතිවරයා විසින් විශේෂ කාර්ය බලකායට බලය පැවරූ අතර මේවනවිට විශේෂ කාර්ය බලකාය වෙනම මෙහෙයුම් ක්‍රියාත්මක කර තිබේ. ඒ අනුව නිවාස පරීක්ෂාව සහ පුද්ගලයින් අත්අඩංගුවට ගැනීම මේ යටතේ සිදුවේ

 ජනවාරි සිට විශේෂ වැඩපිළිවෙලක්

 අධ්‍යාපන පද්ධතිය තුළ මත්ද්‍රව්‍ය මැඩලීමට ජනවාරී සිට විශේෂ වැඩපිළිවෙලක් ක්‍රියත්මක කරන බව අධ්‍යාපන අමාත්‍ය සුසිල් ප්‍රේමජයත්ත මහතා සඳහන් කළේය,

"මේ ගැන හංගන්න දෙයක් නැහැ. අපි නිකන් හිටියේ නැහැ.. දැන් මාසෙකට දෙකකට කලින් ඉඳන් කොළඹ කලාපය මුල් කරගෙන වැඩසටහනක් හැදුවා. දැන් අපි ඒක පුළුල් කරනවා මුළු දිවයිනටම. ජනවාරි සිට පටන් ගන්නවා. මීට මාසයකට විතර කලින් අයිස් මත්ද්‍රව්‍ය නිසා පුනුරුත්ථාපනය සඳහා 81 දෙනෙක් යවලා තිබෙනවා."

 රේගුව මගින් පරීක්ෂා කිරීම්

 මීට අමතරව සාමාන්‍ය පරිදි සිදුකළ මත්ද්‍රව්‍ය මැඩලීමේ මෙහෙයුම් එලෙස ක්‍රියාත්මක වන අතර ඒ යටතේ රේගුවද එම කටයුතු සිදුකරමින් පවතී.

මත්ද්‍රව්‍ය ජාවාරම්කරුවන් විදේස් රටවල සිට මෙරටට මත්ද්‍රව්‍ය ගෙන්වන විවිධ ක්‍රමපිළිබඳව සොයාබලා අවශ්‍ය පියවරගැනීමට මේවනවිට රේගුව ඇතුළු විශේෂ කණ්ඩායම් යෙදවීමටද රජය කටයුතු කර ඇත.

 වැටලීම් සිදුකිරීම

 පොලිස් මත්ද්‍රව්‍ය නාශක කාර්යංශය විසින් 2022 මේ වසර තුළ දී හෙරෝයින් කිලෝ ග්රෑම් 1,425 ක් , ගංජා කිලෝ ග්රෑම් 11,665 ක් කොකේන් කිලෝ ග්රූම් 371 ක් හෂීස් කිලෝ ග්රූම් 40 ක්   අයිස් කිලෝ ග්රූම් 107 ක් සහ මත්පෙත් 97,828 කරල් 21,023  අත්අඩංගුවට ගෙන ඇත.

 නීති සංශෝධන

 මත්ද්‍රව්‍ය සම්බන්ධ නීති සංශේධන කිහිපයක් වත්මන් රජය විසින් මෑතකාලයේදී සිදුකළ අතර ඒ අනුව විෂ වර්ග අභිං සහ අන්තරරායකාර ඖෂධ පනත සංශෝධනය කර “අයිස්” මත්ද්‍රව්‍යක් ලෙස ඇතුළත් කිරිම සිදුවිය.

එමෙන්ම විෂ මත්ද්‍රව්‍ය ලෙස භාවිත කරන ඖෂධ සම්බන්ධයෙන් ක්‍රියාත්මකවීමද රජයේ අවධානය යොමුව ඇති බව අධිකරණ අමාත්‍යවරයා සඳහන් කර සිටියා.

 සෞඛ්‍ය හානී

මත්ද්‍රව්‍ය සියල්ල ශරීරයට අහිතකර වන අතර සමාජයටද හානී පමුණුවයි. වර්තමානයේ පාසල් සිසුන් ගොදුරුකරගන්නා අයිස් මත්ද්‍රව්‍ය භාවිතය තුළින් මතකය අඩුවීම , මෙලේ ශෛල විනාශ කිරීම,  නින්ද නොයෑම , විවිධ රෝග වලට ගොදුරුවීමේ අවධානම වැඩිවීම, මුඛය තුවාල වීම,  අධික ලෙස කෙට්ටුවීම , ලේ හිඟවීම ආදී අවධානම් රුසකට මුහුණ දීමට සිදුවන බව වෛද්‍යවරුන් ප්‍රකාශ කර තිබේ.

මෙම මත්ද්‍රව්‍යයට ඇබ්බැහිවුවෙකුගේ ජීවත්වීමේ කාල සීමාව වරස දෙකකට තරම් කෙටි කාලයක් වන බවද සෞඛ්‍ය අංශ සඳහන් කරති.

පාසල් අවට හදිසි සෝදිසි මෙහෙයුම්

 

පාසල් ප්‍රජාව අතර මත්ද්‍රව්‍ය භාවිතය ඉහළගොස් ඇති බැවින් පාසල් සහ ඒ අවට හදිසි සෝදිසි මෙහෙයුම් නිරන්තරයෙන් සිදුකිරීමට සහ ජාවාරම්කරුවන් අත්අඩංගුවට ගැනීමට පොලිසිය මෙහෙයුම් ක්‍රියාත්මක කර තිබේ.

ඒ අනුව දිවයිනේ විවිධ ප්‍රදේශවල හදිසි මෙහෙයුම් සිදුකිරීමට මෙන්න පාසල් ළමුන් පරීක්ෂාකිරීමේ කටයුතු මේ දිනවල පොලිසිය විසින් සිදුකරමින් සිටියි.

එමෙන්ම මත්ද්‍රව්‍ය ජාවාරම්කරුවන් විදේස් රටවල සිට මෙරටට මත්ද්‍රව්‍ය ගෙන්වන විවිධ ක්‍රමපිළිබඳව සොයාබලා අවශ්‍ය පියවරගැනීමට මේවනවිට රේගුව ඇතුළු විශේෂ කණ්ඩායම් යෙදවීමටද රජය තීරණය කර තිබේ.

මත්ද්‍රව්‍ය ජාවාරම මැඩලීමේ ක්‍රියාවලිය විශේෂ කාර්ය බලකායට ලබාදිමට තීරණය කර ඇති බව ජනාධිපති රනිල් වික්‍රමසිංහ මහතා පසුගිය සතියේ ප්‍රකාශ කර තිබු අතර විශේෂ කාර්ය බලකාය ද එම මෙහෙයුම් ආරම්භකිරීමට සුදානමින් සිටින  බව වාර්තා වේ.

පොලිය ටික ටික අඩුවෙයි

 ඊයේ (14) පැවති භාණ්ඩාගාර බිල්පත් වෙන්දේසියේ දී පොලී අනුපාතිකවල පහළ යාමක් වාර්තා වී තිබේ.

ඒ අනුව දින 91 ක  බිල්පත් පොලිය 32.91% සිට 32.80% ක් දක්වා කැපී පනෙන පහළ යාමක් වාර්තා කර ඇත.

මීට අමතරව දින 182ක බිල්පත් පොලිය 32.27% සිට 32.26% ක් දක්වාත්, දින 364 ක බිල්පත් පොලිය 29.33% සිට 29.32% දක්වාත් සුළු වශයෙන් පහළ ගොස් තිබේ.

මෙම වෙන්දේසිය සඳහා රු. මිලියන 98,000 ක භාණ්ඩාගාර බිල්පත් ප්‍රමාණයක් ඉදිරිපත් කර තිබුණු අතර ඒ සඳහා රු. මිලියන 220,708 ක ලංසු ප්‍රමාණයක් ලැබී තිබුණි. එහිදී වෙන්දේසිය සඳහා ඉදිරිපත් කළ ප්‍රමාණයටම සමපාත වන අයුරින් රු. මිලියන 98,000 ක ලංසු පිළිගැනීමට කටයුතු කර තිබුණි.

මීට මාසයකට පෙර එනම් 2022 නොවැම්බර් 09 වැනිදා පැවති භාණ්ඩාගාර බිල්පත් වෙන්දේසියේ දී දින 91 ක බිල්පත් පොලිය 33.14% ක් දක්වා ඉහළ ගොස් තිබුණු අතර ඉන් පසු එම කාණ්ඩය සඳහා වාර්තා වූ අඩුම පොලී අනුපාතිකය මෙම වෙන්දේසියේ දී තීරණය වී තිබේ

විදෙස් සංචාරකයින්ගේ පැමිණීම වැඩිවෙයි

 

 

මේ මස මුල් දින 07 තුළ පමණක් විදෙස් සංචාරකයින් 16,168 දෙනෙකු මෙරටට පැමිණ ඇති බව සංචාරක අමාත්‍යාංශය සඳහන් කරයි.

එමෙන්ම මෙම වසරේ මේ දක්වා කාලය තුළ විදෙස් සංචාරකයින් 644,186 දෙනෙකු  මෙරටට පැමිණ ඇති බව සංචාරක අමාත්‍යාංශය පවසයි.

මේ වසරේ වැඩිම සංචාරකයින් පිරිසක් මෙරටට පැමිණ ඇත්තේ මාර්තු මාසයේ වන අතර එම සංඛ්‍යාව 106,500 කි.

ප්‍රධාන වශයෙන් රටවල් 20ක සංචාරකයින් මේ දක්වා කාලය තුළ මෙරටට පැමිණ ඇති අතර ඉන් වැඩිම පිරිසක් මෙරටට පැමිණ ඇත්තේ ඉන්දියාවෙන් බව වාර්තා වේ.

එම සංඛ්‍යාව 108,510 දෙනෙකු වන බව සඳහන්ය. එමෙන්ම බ්‍රිතාන්‍ය ජාතියින් 78,827 දෙනෙකු, රුසියානු ජාතිකයින් 74,713 දෙනෙකු ද  මේ වසරේ මේ දක්වා කාලය තුළ මෙරටට පැමිණ ඇති බව සංචාරක අමාත්‍යාංශය සඳහන් කළේය.

රටේ ඉදිරි ගමන පිළිබඳ කරුණු කියන්න ජාතික තරුණ වේදිකාවක්

 

   

“ජාතික තරුණ වේදිකාව” රටේ ඉදිරි ගමන පිළිබඳ සිය දැක්ම රජයට ඉදිරිපත් කිරීමට තරුණ තරුණියන්ට ලැබෙන මහඟු අවස්ථාවක් බව ජනාධිපති රනිල් වික්‍රමසිංහ මහතා පැවසීය.

 

ජනාධිපතිවරයා මේ බව සඳහන් කළේ ලබන වසරට යෙදෙන 75 වන නිදහස් දින සැමරුමට සමගාමීව නිර්මාණය කෙරෙන ජාතික තරුණ වේදිකාව (National youth Platform) සඳහා විශ්වවිද්‍යාල  සිසුන් දායක කර ගැනීම පිළිබඳ  ජනාධිපති කාර්යාලයේ පැවති සාකච්ඡවේ දී ය.

 

රටේ ඉදිරි සංවර්ධන සැලසුම් සකස් කළ යුත්තේ අදට නොව තවත් වසර 25කට සරිලන අන්දමින් බවත් එහිදී තාරුණ්යයේ දායකත්වය උපරිමයෙන් ලබා ගැනීම අපේක්ෂාව බවත් මෙහිදී සඳහන් කළ ජනාධිපතිවරයා  තවත් වසර 25කින් නිදහසේ සියවන සංවත්සරය සමරන විට මේ රටේ නායකත්වයට පත්ව සිටින්නේ රටේ තරුණ තරුණියන් බව ද පැවසීය.

 එබැවින් තරුණ තරුණියන් අපේක්ෂා කරන සංවර්ධිත රට ගොඩනැගීම වෙනුවෙන් ඔවුන්ගේ දැක්මල සැලසුම් සහ නිර්මාණශීලි කුසලතා ජාතික තරුණ වේදිකාව හරහා රජයට ඉදිරිපත් කළ හැකි බව ද ජනාධිපතිවරයා පෙන්වා දුන්නේය.

 එමෙන්ම  ලංකාව කලාපීය අධ්‍යාපන කේන්ද්‍රස්ථානයක් බවට පත් කිරීම සඳහා ගතයුතු පියවර පිළිබඳව ද මෙහිදී දීර්ඝ ලෙස සාකච්ඡාවට ලක් කෙරිණු අතර ඉන්දියාවල බංග්ලාදේශය සහ පකිස්තානය ඇතුලු කලාපීය රටවල සිසුන්ට මෙරට විශ්වවිද්යාලවල අධ්‍යාපනය  ලැබීමට එමගින් අවස්ථාව ලබාදිය හැකි බව ද ජනාධිපතිවරයා පෙන්වා දුන්නේය.

 

ආහාර සුරක්ෂිතතාව ඇති කිරීම සඳහා ජාතික ප්‍රතිපත්තියක්

 

  

 

ආහාර සුරක්ෂිතතාව ඇති කිරීම සඳහා ජාතික ප්‍රතිපත්තියක්       ගෙන එන බවත් ඒ සඳහා ඉදිරියේ දී නව නීති හඳුන්වාදීමට ද බලාපොරොත්තු වන බවත් ජනාධිපති රනිල් වික්රමසිංහ මහතා පැවසීය.

ඊට අදාළ පනත් කෙටුම්පත පාර්ලිමේන්තුවට ඉදිරිපත් කිරීමට සැලසුම් කර ඇති බව ද ජනාධිපතිවරයා සඳහන් කළේය.

ආහාර සුරක්ෂිතතාව හා පෝෂණය පිළිබඳ ඒකාබද්ධ යාන්ත්‍රණයේ කමිටු නියෝජිතයන් දැනුවත් කිරීම වෙනුවෙන් අරලියගහ මන්දිරයේ පැවති සාකච්ඡාවට එක්වෙමින් ජනාධිපතිවරයා මේබව සඳහන් කළේය.

ආහාර සුරක්ෂිතතාව සහ ජනතාවගේ පෝෂණ තත්ත්වය තහවුරු කිරීමේ දී නිවැරදි දත්ත ලබා ගැනීමේ අවශ්‍යතාවපැහැදිලි කළ ජනාධිපතිවරයා ජාතික මටිටමින් සහ ප්‍රාදේශිය මට්ටමින් තිබෙන දත්තවල විශාල වෙනස්කම් දක්නට ඇති බවත්ල ඒවා කඩිනමින් නිවැරදි කරගත යුතු බවත් අවධාරණය කළේය.

මෙම වැඩසටහන සාර්ථක කරගැනීමට රාජ්‍ය අංශයේ මෙන්ම පෞද්ගලික අංශයේද සහය අවශ්‍ය බව මෙහිදී ජනාධිපතිවරයා සඳහන් කළේය.