ආර්ථික ඝාතකයින් සෙවීමට පාර්ලිමේන්තු කමිටුවක්

 

 

ශ්‍රී ලංකාව බංකොලොත් රාජ්‍යයක් බවට පත්වීමට හේතුවු ආර්ථික තීරණ සහ ඒවා සම්බන්ධයෙන් කටයුතු කළ පුද්ගලයින් පිළිබඳව සොයා බැලීමට පාර්ලිනේතු තේරීම් සභාවක් පත්කිරීමට අද(08දා) පාර්ලිමේන්තුවේදී යෝජනා විය.

ජනාධිපති රනිල් වික්‍රමසිංහ මහතා අද පාර්ලිමේන්තුව අමතන අවස්ථාවේ විපක්ෂයේ මන්ත්‍රීවරුන් විසින් ආර්ථික ඝාතකයින් සෙවීමට කමිටුවක් පත්කරන ලෙස ජනාධිපතිවරයාගෙන් ඉල්ලීමක් කළේය.

 මේ සම්බන්ධයෙන් ජනාධිපතිවරයා එකඟ වු අතර අවශ්‍යවන්නේ ජනාධිපති විශේෂ කොමිසමක් හෝ පාර්ලිමේන්තු තේරීම් කාරක සභාවක් ද යන්න පිළිබඳව පාර්ලිමේන්තුව විසින් තීරණයකට එළැඹෙන ලෙස ජනාධිපතිවරයා විසින් ඉල්ලා සිටියේය.

ඒ අනුව පාර්ලිමේන්තු තේරීම් කාරක සභාවක් පත්කිරීමට පාර්ලිමේන්තුවේ එකඟතාවය හිමිවිය. ඒ අනුව රට බංකොලෙත් කළ ආර්ථික ඝාතකයින් පිළිබඳව සෙවීමට මෙම කමිටුව විසින් කටයුතු කරනු ඇත.