අනුප්‍රාප්තික ජනාධිපතිවරයෙකු පත්කිරීම සඳහා පැවැත්වීමට නියමිත ඡන්ද වීමසීම මේ වන විට තුන් කොන් සටනක් බවට පත්ව තිබෙනවා.
ඒ අනුව ජනාධිපතිවරණ සටන තුන් කොටසක් බවට පත්ව තිබෙනවා.
ගෝඨාභය රාජපක්ෂ මහතා බලයට පත් කිරීම සඳහා කටයුතු කළ පොදු ජන පෙරමුණ නියෝජනය කරමින් ම ඉදිරිපත් වන ඩලස් අලහප්පෙරුම මහතාට සහාය දැක්වීමට සජිත් ප්‍රේමදාස මහතා මේ දී තීරණය කර තිබෙනවා.
ඒ අගමැති ධුරය ලබා ගැනීමේ එකඟතාවය මතයි.
දේශපාලන අභ්‍යන්තර ආරංචි මාර්ග වාර්තා කරන්නේ මෙම සිදුවීම් දාමය පිටුපස බැසිල් රාජපක්ෂ මහතා සිටින බවයි.
තමන් රටේ විපක්ෂනායකයා බවත් රටේ මීළඟ අනුප්‍රාප්තික පාලකයා තමන් විය යුතු බවටත් සජිත් ප්‍රේමදාස මහතා දැරූ අදහස මේ වන විට වෙනස් කරගෙන තිබෙන්නේ පොහොටුව පක්ෂයේ සාමාන්‍ය මන්ත්‍රීවරයෙකුට රාජ්‍ය පාලකයා වීමට අවස්ථාව ලබා දෙමින්.
රනිල් - සජිත් අතර බලය උරගා බැලීමට තිබු තවත් අවස්ථාවක් ද මේ හේතුවෙන් ජනතාවට අහිමිව ගොස් ඇති අතර රනිල් හමුවේ පරාජය වුවහොත් තම දේශපාලනය සදහටම අවසන් වනු ඇති බවට බොහෝ දෙනෙකු අනතුරු ඇඟවීමද සජිත් ජනපති තරඟයෙන් ඉවත් වීමට බලපා ඇති බවද දැනගන්නට තිබේ.
No comments:
Post a Comment