රටට අහිමිකළ ඩොලර් බිලියන 53 ක්

 

රටේ මුල්‍ය ගණුදෙනු සහ ව්‍යාපාරික අක්‍රමිකතා පිළිබඳ සොයාබැලීමට විශේෂ පාර්ලිමේන්තු කාරක සභාවක් පත්කරන ලෙස අධිකරණ අමාත්‍ය විජයදාස රාජපක්ෂ මහතා අද(05දා) පාර්ලිමේන්තුවට යෝජනා කළේය.

අයවැය කාරක සභා අවස්ථාවට එක්වෙමින් අමාත්‍යවරයා සඳහන් කළේ අපනයන හරහා මෙරට ලැබිය යුතු ඇමරිකන් ඩොලර් බිලියන 53 ක මුදලක් මහාපරිමාණ ව්‍යාපාරිකයින් විසින් රටට ගෙනැවිත් නොමැති බවය. රටේ ආර්ථිකය විනාශ කිරීමට කටයුතු කරන මෙවැනි පුද්ගලයින් පිළිබඳව හෙලිදරව් කළ යුතු බවද අමාත්‍යවරයා කීවේය.

එමෙන්ම මේ පිළිබඳ නිරන්තරයෙක් කතාකරමින් සිටිනවාට වඩා ඒ සම්බන්ධයෙන් ක්‍රියාත්මක වීම වැදගත් බවද අමාත්‍යවරයා සඳහන් කෙළේය.

ජනපතිගේ නිවස බව කියන - අසත්‍ය ඡායාරූපයක්

 

ජනාධිපති රනිල් වික්‍රමසිංහ මහතාගේ නිවස වටකර සැලකිය යුතු උසකින් යුත් කම්බිරෝල් දමා ඇති බවට හඟවමින් සමාජ මාධ්‍ය ඔස්සේ සංසරණය වූ ඡායාරූපය අසත්‍ය ඡායාරූපයක් බව සත්‍ය තොරතුරු විමර්ශන වෙඩ් අඩවි සඳහන් කර තිබේ.

එම ඡායාරූපය, මියන්මාරයේ වැසියන් අතර සමාජ මාධ්‍ය ජාල වල පසුගිය අප්‍රේල් මස සිට සංසරණය වී තිබූ ඡායාරූපයක් බවද එම වෙඩ් අවඩි සඳහන් කර ඇති .

ඒ අනුව ජනාධිපතිවරයාගේ නිවස බව සඳහන් කරමින් සංසරණය වන එය අසත්‍ය ඡායාරූපයක් බවද ඔවුන් තහවුරු කරයි.

එම ඡායාරූපයේ දැක්වෙන්නේ, ජනාධිපති රනිල් වික්‍රමසිංහ මහතාගේ පෞද්ගලික නිවසේ හෝ ජනපති නිල නිවසේ ඡායාරූපයක් නොවන බව ජනාධිපති මාධ්‍ය අංශය ද, පවසා සිටියේය.

විපක්ෂයේ හැසරීම ගැන කතානායක කණගාටුවෙයි

 

 

විපක්ෂයේ  මන්ත්‍රීවරුන් ඇතැම් වෙලාවට පාර්ලිමේන්තුවේ කාලය නාස්තිකරමින් නිශ්පල කතා කියමින්  අශෝබන ආකාරයට හැසිරීම පිළිබඳ කණගාටුවන බව කතානායක මහින්ද අබේවර්ධන මහතා අද(02) පාර්ලිමේන්තුවේදී පැවසීය.

පාරලිමේන්තුවේ උදෑසන මන්ත්‍රීවරුන්ගේ විවිධ ප්‍රකාශ හේතුවෙන් අයවැය විවාදය පැවැත්වීමට කාලය ප්‍රමාණවත් නොවීම හේතුවෙන් මන්ත්‍රීවරුන්ට කතාකිරීමට කාලය අහිමිවන බව ආණ්ඩුපක්ෂයේ ප්‍රධාන සංවිධායක ප්‍රසන්න රණතුංග පැවසීය. එමෙන්ම මන්ත්‍රීවරුන්ට කතාකිරීමට කාලය ලබාදෙමින් කාලය කළමණාකරය කිරීමට කථානායකවරයා‍ලේ අවධානය යොමුකරන්න ලෙස හෙතෙම ඉල්ලා සිටියේය.

එහිදී ඇතිවුයේ මෙවැනි සංවාදයකි

කතානායක  - මේ සිද්දිය දෙපැත්තෙන්ම සිදුවෙනවා

ලක්ෂ්මන් කිරිඇල්ල මන්ත්‍රීවරයා - කාලය කළමනාකරණය කරගන්න ඔනේ අපි නෙවෙයි මුලාසනය.

කතානායක - නමුත් මන්ත්‍රීතුමා බලහත්කාරයෙන් නැගිටලා කතාකරනවා. ඒක වළක්වගන්න ඔබතුමාලා කටයුතු කරන්නේ නැහැ. ඒගැන කණගාටුවට කාරණයක්. ඔබතුමාගේ කණ්ඩායම පාලනය කිරීම මගේ වගකීම නෙවෙයි ඔබතුමාගේ වගකීම.

විපක්ෂයේ මන්ත්‍රීවරුන් ඇතැම්වෙලාවට හැසිරෙන ආකාරය ඉතාම අශෝබනයි. විපක්ෂයේ මන්ත්‍රීවරුන් කතාකරන එක වැරද්දක් නෙවෙයි. නමුත් මේ හැසිරෙන විදිහ අශෝබනයි

 

ලකෂ්මන් කිරිඇල්ල මන්ත්‍රීවරයා -අපි ඔබතුමා එක්ක තරහක් නැහැ. මේක අපේ වැරද්දක් නෙවයි.

කතානායක - පාර්ලිමේන්තුව තියෙන්නේ කතාකරන්න. ඒකේ වැරදක් නැහැ. නමුත් පල්හෑලි කතාකරන්න ගියාම තමා මේ සිද්ධිය වෙන්නේ. ඔබතුමාගේ  කණ්ඩායමෙන් තමා ඒක සිදධ වෙන්නේ

 

පාර්ලිමේන්තුවෙන් වාර්තාවක්

 

පාර්ලිමේන්තු ඉතිහාසයේ දිනකදී වාර්තාගත වැඩිම පාසැල් සිසුන් සංඛ්‍යාවක් පාර්ලිමේන්තුව නැරඹීම සඳහා  ඊයේ(01)  පැමිණි බව වේත්‍රධාරි නරේන්ද්‍ර ප්‍රනාන්‍දු මහතා පැවසීය.

 ඒ අනුවල දිවයිනේ විවිධ ප්‍රදේශ නියෝජනය කරමින්  පැසැල් 32 කට අයත් ශිෂ්‍ය ශිෂ්‍යාවන් 5000 කට අධික පිරිසකට  එදින පාර්ලිමේන්තුව නැරඹීමේ අවසරය ලබා දී ඇති බවද ඒ මහතා වැඩි දුරටත් පැවසීය.

 ලෝක පාර්ලිමේන්තු සමග සැසඳීමේදී ද, එක් දිනක් තුළ මෙපමණ පිරිසක් පාර්ලිමේන්තුව නැරඹීම සඳහා පැමිණීම වාර්තාවක් විය හැකි බවද තවදුරටත් වේත්‍රධාරිවරයා සදහන් කළේය.

කොවිඩ් වසංගතය හේතුවෙන් වසා තබන ලද මහජන ගැලරිය පාසැල් ශිෂ්‍ය ශිෂ්‍යාවන් සඳහා පසුගිය සැප්තැම්බර් 19 වන දින සිට නැවත විවෘත කිරීමෙන් පසු 25000 කට වඩා වැඩි ශිෂ්‍ය සංඛ්‍යාවක් දිවයිනේ විවිධ ප්‍රදේශ වල පිහිටි පාසැල් නියෝජනය කරමින්  පාර්ලිමේන්තු විවාද නැරඹීම සඳහා පැමිණ ඇත.

 තවද  2023 වසරේ ජනවාරි මාසයේ සිට පාර්ලිමේන්තුව නැරඹීම පිණිස පැමිණෙන සෑම පාසැල් සිසුවෙකුටම  නොමිලේ කිරි වීදුරුවක් ලබා දීම සඳහා අවශ්‍ය පියවර ගනිමින් සිටින බවද  ඒ මහතා  සඳහන් කළේය.

මේ සඳහා කිසිදු පැකිලීමකින් තොරව අවශ්‍ය මූල්‍ය ප්‍රතිපාදන මහා භාණ්ඩාගාරය මගින් ලබා දිම සඳහා මුදල් අමාත්‍යවරයා වශයෙන්  ජනාධිපති රනිල් වික්‍රමසිංහ මහතා විසින් තිරණය කළ බවද වේත්‍රධරී වරයා සදහන් කළේය

බදු වාර්තා ගොනු කිරීමේ කාලය දීර්ඝ කරයි

 

දේශීය ආදායම් දෙපාර්තමේන්තුවේ බදු ලිපිගොනු බාර ගන්නා පරිගණක මෘදුකාංගයේ තදබදයක් හේතුවෙන් ජනතාවට බදු තොරතුරු ඉදිරිපත් කිරීම සඳහා දඩ මුදල් අයකිරීමකින් තොරව සතියක කාලයක් ලබාදෙන බව මුදල් රාජ්‍ය අමාත්‍ය ෂෙහාන් සේමසිංහ මහතා පාර්ලිමේන්තුවේදී අද (01) පැවසීය.

ඒ නිසා අදායම් බදු වාර්තා ගොනු කිරීම සඳහා සතියක සහන කාලයක් ලබාදෙන බව මුදල් රාජ්‍ය අමාත්‍ය ෂෙහාන් සේමසිංහ මහතා කීය. එම කාලය තුළ කිසිදු දඩ මුදලක් අය නොකෙරෙන බව ත් අමාත්‍යවරයා කීවේය.

 “ඊයේ දිනය වෙද්දි සියලු ම දෙනා තමන්ගේ ආදායම් වාර්තා ලබාදිය යුතුව තියෙනවා. මේ නොවැම්බර් 30 කියන දිනයත් එක්ක මේ මෘදුකාංගයේ තදබදයක් නිර්මාණය වෙලා තියෙනවා.

පුද්ගලික ආදායම් බද්ද, සමාගම් බද්ද, හවුල් ව්‍යාපාර බද්ද මේ ආදි බදු ෆයිල් කළ යුතුව තියෙනවා. මේක කඩාකප්පල් කිරීමක් නෙමෙයි. මේ මෘදුකාංගයේ ඇති වෙලා තියෙන තදබදය අපි හඳුනා ගෙන තියෙනවා. එයට විසඳුමක් හැටියට අපි සතියක කාලයක් ලබාදෙනවා.

ඒ සතියක කාලය තුළ රිටර්න්ස් භාර දුන්නා ම එය නොවැම්බර් මස 30 භාරදුන්නා ලෙස සලකන්න අපි අවශ්‍ය වැඩකටයුතු මුදල් අමාත්‍යංශ ලේකම්තුමා විසින් උපදෙස් ලබා දීලා තියෙනවා. ඒ කාලය තුළ කිසිදු දඩයකට යටත් කරන්නේ නෑ.”යැය පැවසීය.

දකුණු ආසියා කලාපයේ අධ්‍යාපන කේන්ද්‍රස්ථානය බවට පත්කරන්න පුළුවන් - ජනපති

 

 

වසර 25 ක් ඉදිරියට ගැලපෙන අධ්‍යාපන ක්‍රමයක් නිර්මාණයක් නිර්මාණය කරගැනීමට අවශ්‍ය බවත් ශ්‍රිලංකාවට දකුණු ආසියාවේ අධ්‍යාප කේන්ද්‍රස්ථානය විය හැකි බවත් ජනාධිපති රනිල් වික්‍රමසිංහ මහතා අද(01දා) පාර්ලිමේන්තුවේදී පැවසීය.

“2022 සිට අවුරුදු 25 ක් ඉදිරියට ගැලපෙන අධ්‍යාපන ක්‍රමයක් අපි හදාගන්න අවශ්‍යයි අපි හදාගන්න අවශ්‍යයි.  ශ්‍රීලංකාවට දකුණු ආසියා‍වේ අධ්‍යාපනයේ කේන්ද්‍රස්ථානය වෙන්න පුළුවන් . අධ්‍යාපනය දරුවන් පිටරට යන නිසා බිලියන 03 ක් විතර අපිට නැතිවෙනවා.නමුත් අපි මේක හරියට කරනවානම්  බිලියන 10 ක් ලංකාවට ගෙන්නවා ගන්න පුළුවන් තත්වට ඒක වර්ධනය කරන්න පුළුවන්. අපි ඒක කරන්න ඔනේ.

ඒවගේම විශ්ව විද්‍යාල වලින් ශිෂ්‍යයෝ වයස 21,  22 වෙද්දි පිටවෙන්න ඔනේ. මම පිටවුනේ 21 දී. මේ තත්වය ඇති කරන්න ඔනේ. රැකියා වෙළඳපොලට අවශ්‍ය විදිහට අපි මෙය සකස් කරන්න ඔනේ. අනාගතයේදී රජයේ රැකියා නැතිවෙනවා.  කලා සමාජ විද්‍යා අංශ වලට අයට දැන් ඉදන්ම සැලසුම් හදන්න ඔනේ.පාර්ලිමේන්තුව මේගැන අවධානය යොමුකරනවානම් විතරයි මේක කරන්න පුළුවන්. අධ්‍යාපනය දියුණු කරන්න ඔනෙ කියන්නේ අනාගතය වෙනුවෙන් කටයුතු කරන්න අවශ්‍යයි.

ඒවගේම රජයේ නොවන අංශයක් ඇති කළ යුතුයි. එය ලබා නොලබන එකක් වෙන්න පුළුවන්. එයට බඳවා ගැනීම් සහ ක්‍රියාත්මක වන ආකාරය ගැන යම් ක්‍රමවේදයක් තිබෙන්න ඔන. ඒ ක්‍රමවේදයට ශීෂ්‍යයෝ තොරනවානම් දුප්පත් උනත් පෝසත් උනත් ශිෂ්‍යයන්ට අපි ණය දෙන්න ලැස්තියි. පවුලේ දුප්පත්කම නිසා සමහර අයට ගෙවන්න බැරිනම් අපි ප්‍රදානයක් විදිහට ඒක දෙන්නම්. අධ්‍යාපනය කියන්නේ විශ්වීය අයිතයික්. එය සැමටම ලැබිය යුතුයි.

ගාස්තු අයනොකරන එක රජයේ විශ්ව විද්‍යාලයක් මට කියන්න. මේ හැමෝම බාහිර උපාධි තියලා සල්ලි ගන්නනවා. නිදහස් අධ්‍යාපනය නම් බාහිර කලත් අභ්‍යන්තර කලත් නිදහස් වෙන්න ඔන. එහෙනම් අපි බාහිර උපාධි වලට අපි බදු අයකරන්න ඔනේ.  විශ්ව විද්‍යාලය ව්‍යාපාර කරනවානම් ඒ ව්‍යාපාරවලට බද්දක් දාන්න ඔනේ.”  යැයි ජනාධිපතිවරයා වැඩි දුරටත් සඳහන් කළේය.