ගෝටාගේ ඔටුන්න වෙනුවෙන් අහක බලා සිටීමේ අපරාධය වන්දි ගෙවීම පමණක්

 ගෝඨාභයගේ ජනාධිපති "ඔටුන්න" වෙනුවෙන් අහක බලාගෙන සිටි......!

=================================

ඒ සහාසික අපරාධයේ "දඩුවම" වන්දි ගෙවීමෙන් පමණක් අවසන් ද ...........?

=================================

පාස්කු ඉරුදින සිදුවූ මිලේච්ඡ ප්‍රහාරයෙන් දෙසීය හැත්තෑ නව දෙනකු මරුමුවට පත්විය.  තවත් පන්සිය දෙනකු පමණ සදාකාලික ආබාධිතයන් බවට පත්විය. ඒ මහා අපරාධය සිදුවන බව කල්තියා දැන දැනත් "නොවැළැක්වූ" වගකිව යුත්තෝ ඊයේ  ශ්‍රේෂ්ඨාධිකරණය විසින් වරදකරුවන් කළේ ය. එකී වරද

වෙනුවෙන් අගතියට පත් පාර්ශවයට මිලියන ගණනින් වන්දි ගෙවන ලෙස ද ශ්‍රේෂ්ඨාධිකරණය නියෝග කළේ ය. එකී සහාසික අපරාධයට දඩුවම වන්දි ගෙවීමෙන් පමණක් අවසන් ද ?

2019 අප්‍රේල් 21 සිදුවූ මිලේච්ඡ ප්‍රහාරය සිදුවන බවට අප්‍රේල් 04 දින සිට 21 දින උදේ 06.30 දක්වා වතාවන් ගණනාවකින් පුර්ණ දැනුවත් භාවයට පත්කර තිබිය දී එය එලෙසම සිදු වන්නට ඉඩ හැරියේ ඇයි ද යන්න රටට රහසක් නොවේ. ශ්‍රේෂ්ඨාධිකරණය ඊයේ දුන් නඩු තීන්දුව මූලික අයිතිවාසිකම් උල්ලංඝනය කිරීම සම්බන්ධයෙන් වූ එකක් බැවින් , "වින්දිතයන්ට" වන්දි ගෙවීම පමණක් නියම කිරීම එම නඩුකරය සමග ගත්විට ගැටලුවක් නොවේ. 

සහාසික අපරාධයක් කිරීමට ආධාර අනුබල ලබා දුන් අපරාධ කරුවන්ට සිර දඬුවම් නැද්ද.............?

===================================

මනුෂ්‍ය ජීවිත විශාල ප්‍රමාණයක් විනාශවන තුරු , එය කිසිදු බාධාවකින් තොරව සිදු වන්නට ඉඩදීම එකී අපරාධයට ආධාර අනුබල සැපයීමකි. එහෙයින් අපරාධයට ගොදුරු වූවන්ගේ වින්දිතයන්ට වන්දි ගෙවීමෙන් පමණක් , බේරී සිටීමට මේ අපරාධ කරුවන්ට හැකියාව තිබේ ද ?

 මොවුන් අපරාධයේ හවුල් කරුවන් බවට රටේ ශ්‍රේෂ්ඨාධිකරණයේ සත් පුද්ගල විනිසුරු මඩුල්ලක් තීරණය කර ඇති පසුබිමක් තුළ අපරාධ නඩුකරයකින් මොවුන් දීර්ඝ කාලීන සිර දඬුවම් විදිය යුතු නොවේ ද ? මේ අපරාධය නොවැළැක් වූවන් ලෙස මොවුන්ට ලැබෙන එකම දඩුවම වන්දි ගෙවීම පමණක් වුවහොත් , ඕනෑම වන්දියක් ගෙවීමට හැකියාව ඇති කාට හෝ මහා අපරාධයකට අනුබල දී පසුව "වන්දියක්" පමණක් ගෙවා අතපිස දා ගත හැකි ය. එවැනි "පූර්වාදර්ශයක්" රට තුළ තිබිය යුතු ද ?

නිලන්ත ජයවර්ධන තවදුරටත් පොලීසියේ   දෙවෙනියා ලෙස රාජකාරී කරනවාද ...?

===================================

ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිසියේ පරිපාලනය භාර පොලිස්පතිට පමණක් දෙවැනි වූ ඉහළම නිලධාරියා ය. එවකට රාජ්‍ය බුද්ධි ප්‍රධානී ලෙස දැන දැනම මහා අපරාධයක් සිදු වන්නට ඉඩ දුන් අපරාධ කරුවෙකි. ඒ බව තහවුරු කර ඇත්තේ එසේ මෙසේ තැනකින් නොව රටේ ශ්‍රේෂ්ඨාධිකරණය විසිනි. අපරාධයට ගොදුරු වූවන්ට රුපියල් මිලියන හැත්තෑ පහක වන්දි ගෙවීමට යටත් කෙනෙකි. නිලන්ත ජයවර්ධන තවදුරටත් පොලීසියේ දෙවෙනියා ද ?

මෛත්‍රීපාල සිරිසේන , හේමසිරි ප්‍රනාන්දු , පූජිත ජයසුන්දර , සිසිර මෙන්ඩිස් යන "අපරාධ" කරුවන්ට විශ්‍රාම වරප්‍රසාද හිමිකම් තිබේ ද .........?

===================================

හිටපු ජනාධිපති ලෙස මෛත්‍රීපාල සිරිසේන ජනාධිපති හිමිකම් පනත යටතේ මහජන බදු මුදලින් සියලු වරප්‍රසාද  ලබමින් පසුවෙයි. ඔහු රටේ ජනාධිපති ලෙස සිය නිල වගකීම ඉටු නොකළ කෙනෙකු ලෙස ශ්‍රේෂ්ඨාධිකරණය තීරණය කර ඔහුගේ නොකර හැරීම නිසා වින්දිත භාවයට පත්වූවන්ට මිලියන සියයක වන්දි ගෙවීමට පවා නියම කර තිබේ. එසේ නම් "අපරාධ කරුවකු" වූ ඔහු රටේ මහජන බදු මුදලින් ඔහු තවදුරටත් නඩත්තු කළ හැකි ද ? 

ඉහත නම් සඳහන් අනෙක් පිරිස සිය රාජකාරිය පැහැර හැර දැන දැනම මහා අපරාධයක් සිදු වන්නට ඉඩ දුන් අපරාධ කරුවන් ලෙස ශ්‍රේෂ්ඨාධිකරණය තීන්දු කර තිබියදී තවදුරටත් මහජන බදු මුදලින් නඩත්තු කළ හැකි ද ?

(පෝද්දල ජයන්ත)

කන්න නැති රටේ ඡන්දයකට මිලියන 72000 ක් පුලුස්සා දැමීම

රටේ ආර්ථික ප්‍රශ්නය මේවනවිට දරුණු මට්ටමකට පැමිණ තිබේ. එය විසඳාගැනීමට ජාත්‍යන්තර ආර්ථික විශේෂඥයෝ පවා ශ්‍රී ලංකාව වෙනුවෙන් පෙනී සිටිනන අතර එසේ උවද රටතුළ ඒසඳහා සහයෝගයක් නොමැතිවීම කණගාටුවට කරුණකි.

ලංකා ඉතිහාසයේ දරුණුතම ආර්ථික අර්බුදයට මුහුණදෙමින්  එදාවේල සපයා ගැනීමේ අපහසුතාවයකට ජනතාව මුහුණ දෙමින් සිටියද බොහෝ දේශපාලන පක්ෂවලට (ජනතාවට නොව) මේ මොහෙතේ අවශ්‍යව ඇත්තේ ඡන්දයකි. නැව ගිලෙන්න ගියද බලය වෙනුවෙන් සටන් වදින ලංකාවේ දේශපාලන පක්ෂවල ක්‍රියාකාරීත්වය මේවනවිට පැහැදිලිව පෙනෙන්ට තිබේ.

 

ආර්ථික අර්බුදය දරුණුයි

 මේවනවිට දරුණු මුල්‍යමය ප්‍රශ්නයකට රට මුහුණ දී සිටින අතර දෙසැම්බර් මාසයේ රාජ්‍ය සේවක වැටුප් ගෙවා ඇත්තේ  යුරියා පොහොර අලෙවියෙන් ලත් මුදල්වලින් බව කෘෂිකර්ම වනජීවි හා වනසම්පත් සංරක්ෂණ අමාත්‍ය මහින්ද අමරවීර පැවසීය.

පසුගිය යල කන්නයේ දී හා මෙවර මහ කන්නයේ දී යුරියා පොහොර හා අනෙකුත් පොහොර අලෙවි කිරීම මගින් රුපියල්  බිලියන 10.05ක මුදලක් ගොවිජන සංවර්ධන දෙපාර්තමේන්තුව විසින් උපයා ඇති අතර එම මුදල් මහා භාණ්ඩාගාරය වෙත යොමු කරන ලද අතර පසුගිය දෙසැම්බර් මාසයේ දී රාජ්‍ය සේවකයින් සඳහා නියමිත වැටුප් ගෙවීම සඳහා එම මුදල්වලින් කොටසක් භාවිතා කිරීමට රජයට සිදු වූ බව ද හෙතෙම කීවේය.

එමෙන්ම මේවනවිට වී මිලදී ගැනීම ඇතුළු රටේ ජනතාවගේ ආහාර ප්‍රශ්නය විසඳීමට රජයට මුදල් සොයාගැනීමේ ගැටලුවකට මුහුණ දී සිටියි.

  

අයවැයෙන් 5% ක් කපා ගැනීම

 මෙවැනි අර්බුද හේතුවෙන් 2023  වර්ෂය සඳහා වෙන්කළ මුදල් වලින් සියලුම රාජ්‍ය ආයනවල මුදල් වලින් 5% බැගින් කපාගැනීමට රජය තීරණය කර තිබේ. එසේ නොකළ හොත් රජය පවත්වාගෙන යා නොහැකි බවද ඒ් වෙනුවෙන් මෙසේ කරන බවද රජයේ කැබිනට් ප්‍රකාශක අමාත්‍ය බන්ධුල ගුණවර්ධන පැවසීය.

 

විදෙස් ණය

 ලංකාව ලබා ඇති විදෙස් ණය ප්‍රතිව්‍යුහගත කර ලංකාවට නැගිටීමට සහය ලබාදෙන ලෙස ලෝකය පුරා සිටින ආර්ථක විශේෂඥයෝ එක හඩින් කියමින් සිටියි. ඒමෙන්ම ලෝකයේ ණය ලබාඇති රටවල් බොහොමයක් ඒ සඳහා එකග වී ඇති අතර චීනය පමණක් මෙතෙක් එ සඳහා එකඟතාවය පළකර නොමැත.

රටේ මන්දපෝෂණ තත්වය ඉහළ යා හැකි බවත් , ලෝකයේ ආහාර මිල ඉදිරියේදී තවදුරටත් ඉහළ යා හැකි බවත් ලෝක බැංකුව ඇතුළු ප්‍රධාන ආයතන කිහිපයක් අනාවැකි පළකර  තිබේ. එබැවින් සියල්ලට පෙර රටේ ආහාර සුරක්ෂිතතාවය ඇතිකරන ලෙසය.

 

හොරට නිදාගෙන සිටින දේශපාලන පක්ෂ

 ලංකාව තුළ පවතින මෙම අර්බුදකාරී තත්වය පිළිබඳ කිසිදු දේශපාලන පක්ෂයක් අවබෝධයකින් කටයුතු කරන බවක් පෙනෙන්නට නොතිබේ. කොතරම් තේරුම් කිරීමට උත්සහ කළද ඔවුන් තේරුම්ගන්නේද නැත. ඔවුන් සියලුදෙනා හැසිරෙන්නේ හොරට නිදාගෙන සිටින වුන් විසලසයට. රටේ ආර්ථික තත්වය යහපත් කිරීමට , රට ස්ථාවර කිරීමට එක්වන ලෙස ඔවුන්ට අවස්ථා කිහිපයකදී පැවසුවද එය ඔවුන්ට නෑසුනි. එසේ උවද ඡන්දය ගැනීමට එක පොදියට සන්ධාන සඳාගැනීමට ඔවුන් පුදුම වෙහෙසක් ගනි . ඒවෙනුවෙන් පුදුම උනන්දුවකින් වැඩකරති. කන්නනැතිව මිනිසුන් මිය ගියද ඔවුන් ඉල්ලන්නේ ඡන්දයකි.

මේවනවිට රටතුළ ඖෂධ හිගයක්, ආහාර , ඉන්ධන ඇතුළු සියලුදේ හිගවෙමින් පවතී. ඡන්දය පැවැත්වීමට ද විශාල මුදල්ක් වැය වන බව මේවනවිට සියලුදෙනා දන්නා යථාරතයකි.

 

මැතිවරණ අවශ්‍යයි

 ප්‍රජාත්‍රන්ත්‍රවාදී රාජ්‍යයක් තුළ මැතිවරණ පැවැත්වීම අතශ්‍යවශ්‍ය කරුණකි. එසේඋවද රට ගිලෙන්න යන මොහොතේ මුලින්ම කළ යුතතේ ගිලීමෙන් බේරා ගැනීම මිස ඡන්ද පැවැත්වීම නොවේ. ඉන් පසු ඡන්ද පැවැත්වීමට ඔනෙම කෙනෙකුට කළ හැකිය.  නමුත් ඡන්දය පැවැත්වීමට ද රටක් අවශ්‍යය.  මේ මොහොතේ පවතින උවදර හදුනා‌ගෙන එයට පිළියම් යෙදීමට සියල්ලෝම එක්වන්නේනම් ඉතා ඉක්මණික් ඡන්දයක් පැවැත්විය හැකි රටත් බවට මෙරට පත්කරගැනීමට හැකියාව ලැබේ.

  

ප්‍රධාන පක්ෂ තුනේ වියදම මිලියන 72000 ක්

 මේ මොහොතේ පළාත්පාලන ඡන්ද විමසීම පැවැත්වුවහොත් එහිදී රජයට දැරීමට සිදුවන වියදමට අමතරව ප්‍රධාන දේශපාලන පක්ෂ තුනේ නියෝජිතයන්ට පමණක් අවම වශයෙන් රුපියල් බිලියන 72 ක වියදමක් දරන්නට සිදුවන බව ශ්‍රී ලංකා ආර්ථික විද්‍යාඥයන්ගේ සංගමය සඳහන් කරයි.

එය සමෘද්ධිය ලබාදිමට රජය වැයකරන මුදලින් 50% ක් බවද මෙවැනි අවස්ථාවක එවැනි මුදලක් විනාශ කිරීම අපරාධයක් බවද ඔවුන් වැඩිදුරටත් පෙන්වා දෙයි

 

 

 

 

  

පොහොට්ටුව සමග රට හදන්න ජවිපෙට ආරාධනා

 

පොදුජන පෙරමුණ සමග එක්ව ඉදිරියේදී දේශපාලනය කිරීමට සන්ධානයක් ඇතිකරගැනීමට එක්වෙන ලෙස ජනතා විමුක්ති පෙරමුණට ආරාධනා කරන බව පොදුජන පෙරමුණේ මහ ලේකම් සාගර කාරියවසම් මහතා පැවසීය.

පොදුජන පෙරමුණ මේ දිනවල සන්ධානයක් සඳහා එක්සත් ජාතික පක්ෂය සමග සාකච්ඡා කරමින් සිටින අතර ඉදිරි පළාත් පාලන මැතිවරණය සඳහා එම සන්ධානයෙන් තරඟ කිරමටද සාකච්ඡා පවත්වමින් සිටියි.

විපක්ෂයේ සිට චෝදනා කරමින් සිටිනවාට වඩා රට ගොඩනැගීම පිළිබඳව තම පක්ෂයේ ප්‍රතිපත්ත වලට එකඟ වන්නේනම් ජනතා විමුක්ති පෙරමුණට පොදුජන පෙරමුණ සමග සන්ධානගත විය හැකි බවද සාගර කාරියවසම් මහතා වැඩිදුරටත් සඳහන් කර සිටියේය.

ශ්‍රී ලංකාව සඳහා ණය සහන අත්‍යවශ්‍යයි - ලොව පුරා ආර්ථික විශේෂඥයින් 180කගේ කණ්ඩායමක් සඳහන් කරයි

 

ශ්‍රී ලංකාවේ ආර්ථිකය යළි නැගිටවීමේ බලාපොරොත්තුව ඇති කිරීම සඳහා ලංකාවේ ණය කපා හරිමින් ණය සහන ලබාදිය යුතු බව ලෝකයේ ආර්ථික සහ සංවර්ධනය පිළිබඳ  විශේෂඥයෝ 180 ක කණ්ඩායමක් සඳහන් කර තිබේ.

“ද ගාඩියන්” ( the Guardian)   වෙත අදහස් දක්වමින් මෙම කණ්ඩායම සඳහන් කර ඇත්තේ , මේ අවස්ථාවේ දී එම ණය සහන ලබාදීමේ හැකියාව ඇත්තේ ලෝකයේ බලවත් අරමුදල් සහ ආයෝජනකරුවන්  සතුව බවද,  ඩොලර් බිලියන 51 ක ණය සමග පසුගිය වසරේදී පැවති ණය සහන පිළිබඳ සාකච්ඡා වලදී එබව පෙනී යන බවද මෙම විශේෂඥයෝ කණ්ඩායම සඳහන් කර  ඇත.

ගෝලීය ණය අර්බුදය විසදීමට ගෝලීය ප්‍රජාවේ ඉදිරිපත්වීම සොයා බැලීමට ශ්‍රී ලංකාව හොද සිද්ධි අධ්‍යයනයක් බවද කෙසේ වෙතත් ලංකාවේ ආර්ථිකය යථාතත්වයට පත්කිරීමට  විශාල ප්‍රමාණයේ ණය කපා හැරීමක්  අවශ්‍ය බව ද ඔවුන් තවදුරටත් අවධාරණය කර තිබේ.

ඉන්දියානු ආර්ථික විද්‍යාඥ ජයති ගෝෂ්, ඉහළ අලෙවියක් ඇති කැපිටල් පොතේ කතුවරයා වන තෝමස් පිකෙටි සහ ග්‍රීසියේ හිටපු මුදල් ඇමති යානිස් වරූෆකිස් ඇතුළු පිරිසක් මෙම කණ්ඩායම නියෝජනය කර තිබේ.

පෞද්ගලික අංශයේ ණයහිමියන් සහ ආයෝජන ආයතන සහ ආරක්ෂක අරමුදල් මෙලෙස ක්‍රියාත්මකවීම නතර කරගෙන සිටින බවද මේවනවිට ණය පිළිබඳ සාකච්ඡා ඉතාම දරුණු තත්වයකට පැමිණ ඇති බවද ඔවුන් පෙන්වා දී තිබේ.

ලංකාවට ණය ලබාදුන් ද්වී පාර්ශවික, බහු පාර්ශවික සහ පෞද්ගලික අංශයේ සියලුම ආයතන ණය ප්‍රතිව්‍යුහගත කිරීමේ තත්වයට අනිවාර්යෙන්ම  මුහුණ දිය යුතු බවත් ඔවුන් ඉදිරියටද ලංකාවේ ආයෝජනය කරන බවට පොරොන්දු විය යුතු බවද මෙම විශේෂඥ කණ්ඩායම අවධාරණය කරයි.

ලංකාවේ විදෙස් ණය වලින්  40%ක් ම පෞද්ගලික ණය වන අතර එවා ජාත්‍යන්තර ස්වෞරී බැදුම්කර ලෙස   පොලී අනුපාතයක් යටතේ ලබාගෙන ඇත . මේ නිසා එලෙස ණය ලබාදීම් මගින් 50% වැඩි ලාබයක් එම ණය හිමියන්ට ලැබෙන බවද පෙන්වා දී ඇත.

එමෙන්ම  ලංකාවට ණය ලබාදෙන්නන්  ලංකාවෙන් ණය අවධානම් වාරිකයක් ලබාගෙන ඇති බවද එමගින් ඔවුන් විශාල ලාබයක් ලබා ඇති බවද මේ වනවිට අනාවරණය වී තිබේ.

ලංකවේ ණය පැහැර හැරීමට හේතුව වී ඇත්තේ ද මෙය වන අතර එලෙස ආදායම් ලැබු ණය හිමියෝ එවායේ ප්‍රතිවිපාක විදිමටද දැන් සූදානම් විය යුතු බවද සුදානම්න් විය යුතු බවද මෙම විශේෂඥ කණ්ඩායම පෙන්වා දී තිබේ.

ලංකා ඉතිහාසයේ ඇතුවු වඩාත් දරුණුම පළමු ආර්ථික අර්බුදය මෙය වන අතර ඒ හේතුවෙන් ණය පැහැරීමට සිදුව ඇති බවද,  පසුගිය අප්‍රේල් මාසයේ සිට මේ සම්බන්ධයෙන් සාකච්ඡා පැවැත්වමින් තිබුණද මෙතෙක් නිසි ප්‍රගතියක් අත්වී නොමැති බවද ඔවුන්ගේ අවධානයට යොමුව ඇත.

ශ්‍රී ලංකාව යනු කොවිඩ් වසංගතය හා ආර්ථික අවපාතය හේතුවෙන්  ණය ප්‍රතිව්‍යුහ ගතකරන්න යැයි ඉල්ලා සිටින රටවල්  එක් රටක් පමණක් වන අතර  ලෙබනනය යුක්ක්‍රේනය සැම්බියාව වැනි  රටවල් ද විදෙස් ණය ගෙවීම අත්හිටුවා  ඇති බව එම පිරිස සඳහන් කරයි. එහි නවතම රාජ්‍යය බවට පත්ව ඇත්තේ  ගානා රාජ්‍යයි.

මේවනවිට මතුව ඇති ගෝලීය ණය පොලිය ඉහල යාම සමග මෙවැනි අර්බුද මේ වසරේදී ලෝකය පුරාම ඇතිවිය හැකි බවද එමෙන්ම අඩු ආදායම් ලබන රටවලින් තුනෙන් දෙකක් මෙලෙස ණය අර්බුදයට ලක්විය හැකි බවද ඒම විශේෂඥ කණ්ඩායම සඳහන් කර තිබේ.

ජාත්‍යන්තර මුල්‍ය පද්ධතිය ස්වෛරී ණය සහන සහ තිරසර භාවය පිළිබඳව වැනි වඩා ඉක්මණින් පිළිතුරු සැපයිය යුතු ප්‍රශ්න පිළිබඳව තේරුම්ගැනීම සඳහා ශ්‍රී ලංකාව දර්ශකයක් ලෙස භාවිතකිරීමටද හැකියාව ඇති අතර එමෙන්ම ජාත්‍යන්තර ණය සාකච්ඡාවලදී ණය හිමියන්ගේ යුක්තිසහගත භාවය පිළිබඳවත් මෙහිදී දැනගැනීමට හැකි බවද ඔවුන් සඳහන් කර තිබේ. එබැවින් මෙය ශ්‍රී ලංකාවේ ජනතාවට පමණක් නොව ණය අර්බුදයට පත්වෙලා සිටින ඔනෑම සංවිධානයක් හෝ රටක් යථාතත්වයට පත්කිරීම පිළිබඳ විශ්වාසය ඇති කිරීමට  මෙම සංසිද්ධිය ඉතා වැදගත් බව ඔවුන් වැඩිදුරටත් අවධාරණය කර සිටියි.

 

 

කසකරුවන් එළි බැසීම - සහන් තෙන්නකෝන්

කසකරුවන් එලිබැසීම.

දකුණු ආසියානු රටවල දේශපාලනය සහ ආගම අතර පවතින්නේ අවියෝජනීය සම්බන්ධතාවයකි. විශේෂයෙන්ම එම රටවල දේශපාලනඥයන් ද බලයට පැමිණීමට, සහ බලයේ රැඳී සිටීමට මහෝපකාරී වන උපකරණයක් ලෙස ආගම භාවිතා කරයි. 

මේ දිනවල ප්‍රසිද්ධ සමාජ මාධ්‍ය ක්‍රියාකාරිකයෙක් යැයි කියාගන්නා පුද්ගලයෙක් දළදාවට "ලබ්බ" යැයි පැවසීම සමස්ථ සමාජයේම ප්‍රමුඛ මාතෘකාව බවට පත්ව ඇති බවක් පෙනෙන්නට තිබේ.හන්දියේ කඩ පිළෙහි සිට පාර්ලිමේන්තුව දක්වාම මේ සම්බන්ධව විවිධාකාර වූ මතවාද ගොඩනැගෙමින් පවතී. ඇතැම් විටෙක එම පුද්ගලයාගේ ප්‍රකාශය ඔහුගේ අතිශය පෞද්ගලික අදහසක් ලෙස ගත හැකි නමුත් එවැනි ප්‍රකාශයකින් යම් මහජන කැළඹීමක් ඇතිකිරීමට සෘජුව හෝ වක්‍රාකාරව අනුබල දෙන්නේ නම් එතැන ඔහුගේ අදහස් ප්‍රකාශ කිරීමේ අයිතියෙන් ඔබ්බට ගොස් ඔහුට ඇති සමාජ වගකීම පැහැර හැරීමක් ලෙස දැකිය යුතුය.

 ඕනෑම පුද්ගලයෙකුට තමන් දරණ අදහසක් ප්‍රකාශ කිරීමට ව්‍යවස්ථාපිත අයිතියක් ඇත.එය ආණ්ඩුක්‍රම ව්‍යවස්ථාවේ 14 වන ව්‍යවස්ථාවේ (1) වන අනුව්‍යවස්ථාවේ (අ ) ඡේදයේ පැහැදිලිව ඇතුළත්ව ඇති නමුත් එම අයිතිවාසිකම භුක්ති විඳිය හැක්කේ ව්‍යවස්ථාවේ සඳහන් "මූලික අයිතිවාසිකම් පිළිබඳ සීමා" යන තේමාව යටතේ, එනම් ආණ්ඩුක්‍රම ව්‍යවස්ථාවේ 15 වන ව්‍යස්ථාවේ (2) වන අනු ව්‍යවස්ථාවට අනුව පමණකි.

"...14 වන ව්‍යවස්ථාවේ (1) වන අනුව්‍යවස්ථාවේ (අ ) ඡේදයේ ප්‍රකාශ කොට පිළිගෙන ඇති මූලික අයිතිවාසිකම භුක්ති විඳිය හැක්කේ ද, ක්‍රියාත්මක විය හැක්කේ ද, වාර්ගික හෝ ආගමික සහයෝගීතාව තහවුරු කිරීම සඳහා හෝ පාර්ලිමේන්තු වරප්‍රසාද, අධිකරණයට අපහාස කිරීම, අපහාසයට හෝ වරදකට පෙළඹවීම හා සම්බන්ධව නීතියෙන් නියම කරනු ලැබිය හැකි සීමාකිරීම්වලට නියමවය."

එබැවින් මූලික අයිතිවාසිකම් මුවාවෙන් තමන්ට සිතෙන හෝ කටට එන ඕනෑම දෙයක් ප්‍රකාශ කිරීමේ හැකියාවක්‌ නොමැති අතර යමෙක් තම අයිතිවාසිකම් භුක්ති විඳිය යුත්තේ තවත් පාර්ශවයක අයිතිවාසිකම් අවහිර නොවන ආකාරයට පමණක් බවත් තේරුම්ගත යුතුය.එසේම කිසිම ආගමකට හෝ ලබ්දියකට අපහාස කිරීමට කිසිම තැනැත්තෙක් වෙත අයිතියක් ආණ්ඩුක්‍රම ව්‍යවස්ථාවෙන් ලබාදී නොමැත.

ඔහු සිදුකොට ඇති ප්‍රකාශයෙන් දේශපාලන පාර්ශවයන් කිහිපයක් උද්දාමයට පත්ව තිබේ.මෙම ප්‍රකාශය විසින් රාජපක්ෂවරුන්ට ක්‍රීඩාවෙහි යෙදිය හැකි පහසුම තණතීරුව නිර්මාණය වෙමින් පවතින බව පෙනෙන්නට ඇත. තාවකාලිකව පසමිතුරු කඳවුරුවලට බෙදී සිටින රාජපක්ෂවාදයේ න්‍යායාචාරවරුන් කිහිපදෙනෙක්ම තලුමරමින් රසවිඳිනවා දැකගත හැකි විය. විශේෂයෙන්ම මෙම තත්ත්වය 2019 ජනාධිපතිවරණයට පෙර පැවති වටපිටාව නිර්මාණය කිරීමට අඩිතාලම දමන බවට සැක නැත.මෙම ප්‍රකාශය සිදුකර තිබෙන තැනැත්තා ද 2019 ට පෙර එම කඳවුරේ ආධාරකරුවෙකි.මේ සමඟ සැමදා මෙන් ජාතිවාදී භික්ෂු කල්ලි කිහිපයක් මෙම ප්‍රකාශය ඉතා හොඳ ආයුධයක් කරගෙන ඇත. කිහිපදවසකට තුඹස ඇතුලට රිංගාගෙන සිටි විසකුරු සර්පයන් නැවත කලඑළි බැසීම ආරම්භ කර ඇත.

රට ඉතා අසීරු ආර්ථික අර්බුදයකින් ගොඩඑමින් පවතින අවස්ථාවක නැවත වතාවක් ඉතිහාසය පුරා සිදුකරමින් සිටින වැරදි නැවත සිදුවීමට ඉඩ හැරීම නොකළ යුත්තකි.පවතින ආර්ථික අර්බුදය පිළිබඳව පුළුල් විශ්ලේෂණයක්‌ නොමැති,තමන්ගේ නොහැකියාව පිළිබඳව අවබෝධයක් නැති  අධිමානසික පක්ෂ විපක්ෂ කණ්ඩායම් තම ආත්මාර්ථයන් සපුරා ගැනීම වෙනුවෙන් දියත් කරන ඇතැම් අඥාන ක්‍රියාවන්හි ඇති හිඩැස් බොහෝ විට අනෙක්‌ පාර්ශ්වයට වාසිගෙන දෙන බව හොඳින් දැනගෙන කටයුතු කිරීම වටී.තවද එම ප්‍රකාශය සිදුකළ තැනැත්තා පෙනී සිටින සහ පෙනීසිටි මතවාදයන් දෙස බලන විට මෙම ප්‍රකාශය ඕනෑවට වඩා උත්කර්ෂයට නැංවීම නොකළ යුතුබව මගේ පෞද්ගලික මතයයි.මන්ද අනෙක් පාර්ශවය මෙම ක්‍රීඩාවේ ඔස්තාර්ලා නිසාය.

#sahantwrites

06.01.2023

ඡන්දය පැවැත්වීම ගැන මැතිවරණ කොමිසම මත හතරක

මැතිවරණ කොමිසමේ සාමාජිකයන් සිව්දෙනෙක් ජනාධිපති රනිල් වික්‍රමසිංහ මහතා ජනාධිපති ලේකම් කාර්යාලයේදී  ඊයේ (05) සන්ධ්‍යාවේ හමුවූහ. 

මැතිවරණ කොමිසමේ සාමාජිකයන්  මැතිවරණය සම්බන්ධයෙන් කොමිසමේ කටයුතු පිළිබඳ මත  හතරක් දැරීම පිළිබඳ ජනාධිපතිවරයා පවසා ඇත්තේ, පළමුව ඔබ සිව්දෙනා බහුතර ඒකමතික කැමැත්තක් සහිතව කටයුතු කරන ලෙසයි. කොමිසමේ නිදහස කොමිසමට බාර දී  ඇති බව ජනාධිපතිවරයා මෙහිදී ප්‍රකාශ කර ඇත.  

එය ස්වාධීනව පවත්වාගෙන යෑමට කිසිදු බාධාවක් නොමැති බවද ජනාධිපතිවරයා එහිදී පවසා ඇත. අවශ්‍ය නම් නීතිපතිවරයාගෙන්ද  ලිඛිතව විමසීම් සිදු කරන ලෙස ද වික්‍රමසිංහ මහතා පිරිස දැනුවත් කර තිබේ. ඒ සඳහා නීතිමය සහයෝගය ලබා දීමට නීතිපති දෙපාර්තමේන්තුව කටයුතු කරනු ඇති බවද ජනාධිපතිවරයා මෙහිදී වැඩිදුරටත් පවසා ඇත.

නීතිපතිවරයා එහිදී  දන්වා ඇත්තේ  නිදහස් හා සාමකාමී මැතිවරණයක් පැවැත්වීම සඳහා පැවැතිය යුතු පසුබිම පිළිබඳ වන තත්ත්වයන්   නීතිපතිවරයා වෙත දැනුවත් කරන ලෙසත්  මැතිවරණ කොමිසමේ කටයුතු පිළිබඳ යම් නීතිමය ගැටලුවක් ඇතොත් එය  විමසීමට අවශ්‍ය වන්නේ නම් සෘජුවම තමා වෙත දන්වා එවන ලෙස ද ප්‍රකාශ කර ඇත.

මැතිවරණ කොමිසමේ සාමාජිකයන් මත 4ක් දැරීම හේතුවෙන්  සාකච්ඡාව එකඟතාවයකින් තොරව අවසන් වූ බව දේශපාලන ආරංචි මාර්ග සඳහන් කරයි.